Naval Ravikant Almanaxi

Kimdir o'z qadriyatlari haqida nihoyatda ko'p gaprsa yoki o'zini maqtayversa, u nimanidir yashirayotgan bo'ladi.

Menimcha, chinakam aqlli odamlar har qanday narsani hatto yosh bolaga ham tushuntira oladi. Agar biror narsani yosh bolaga tushuntira olmasangiz, demak, uni o'zingiz ham yetarlicha tushunmaysiz. Bu keng tarqalgan hikmat va u mutlaqo to'g'ri.

Eng so'nggi trendlardan xabardor bo'ling, texnologiyalar, dizayn va san'atni o'rganing - biror sohaning chinakam ustasiga aylaning.

Aql - qisqa yo'l bilan erishiladigan ne'mat emas.

Haqiqiy reztumengiz - azob-uqubatlaringiz katalogidir. O'lim to'shagida yotar ekansiz, sizdan haqiqiy hayotingizni tasvirlab berishni so'rasam, birma-bir xayolingizdan o'tadigan qiziq ishlar - qurbon qilgan narsalaringiz, boshingizdan kechirgan qiyinchiliklar haqida bo'ladi.

Qulog'imga eng ko'p chalinadigan yomon maslahat: "Hali juda yoshsan". Tarixning aksariyati yoshlar tomonidan yaratilgan. Ular faqat yoshi ulg'aygach e'tirof etilgan, xolos. Biror narsani chinakamiga o'rganishning yagona yo'li - uni amalda qilish. Ha, yo'l-yo'riqlarga quloq tuting. Lekin amalda bajarib ko'rishni paysalga solmang.

Agar doim soat sanab o'tirsangiz, muvaffaqiyat kelguncha sabringiz tugaydi. Hamma bir zumda boyib ketishni xohlaydi, lekin bu dunyo batartib joy, hamma narsa darhol bo'lavermaydi. Vaqt sarflashga majbursiz.

— Eng muhimi hozirgi lahzada yashash. — Hayotdagi barcha chinakam foydalar murakkab foiz formulasiga ko'ra to'planadi. — Aqlingiz bilan pul toping, vaqtingiz bilan emas. — Barcha harakatlarning 99 foizi behuda ketadi. — Barcha buyuklik azob-uqubat orqali keladi. Eng avvalo sog'liq, so'ng muhabbat va nihoyat hayotiy maqsad. Qolgan narsalarning bari ahamiyatsiz.

Sarmoyador Charli Manger aytganidek: "Munosib umr yo'ldosh topmoqchi bo'lsangiz, o'zingiz ham unga munosib bo'lishga intiling".